Фельдшер Ұлдана Мырзуанның өліміне қатысты іс сотқа жолданды

Бұл туралы Астана қаласының Полиция департаменті мәлім етті.

Фото: Әлеуметтік желіден

Былтыр күзде елордадағы тұрғын үйде кірпіш қаптамасының құлауы салдарынан мерт болған Ұлдана Мырзуанға қатысты істі сотқа дейінгі тергеу аяқталды, деп хабарлайды Sn.kz ақпарат порталы Kazinform агенттігіне сілтеме жасап.

— Ұлдана Мырзуанның өліміне қатысты сотқа дейінгі тергеу аяқталып, қылмыстық іс сотқа жолданды, - делінген Полиция департаментінің Kazinform агенттігіне берген жауабында.

Сонымен қатар Астана сотының баспасөз қызметі сот отырысының өтетін күні әлі белгіленбегенін хабарлады.