Колумбиядағы жер сілкінісінен 111 адам қаза тапты

Колумбияда 7,4 балдық жер сілкінісі болып, 111 адам қаза тапты, деп хабарлайды Sn.kz ақпарат порталы.

Тағы кемінде 87 адам жарақат алды. Билік өкілдерінің мәліметінше, бұл Колумбияда соңғы он жылда тіркелген ең күшті жер сілкінісі. Салдарынан 1 575 тұрғын үй бүлініп, 37 ғимарат толық қираған. Оған қоса 18 медициналық мекеме зардап шегіп, 52 білім беру ұйымы мен 18 жол бүлінген. 7 әуежайға зақым келген. Билік бүкіл ел аумағында табиғи апат режимін жариялады.