Алматыға Kanye West үшін әлемнің түкпір-түкпірінен жанкүйерлер жиналды

Қазақстанға арнайы келген жанкүйерлер Алматыға таңданысын жасырмады,  деп хабарлайды Sn.kz ақпарат порталы.

Аустралия, Ресей және БАӘ-ден келген туристер концертті тамашалап қана қоймай, қаланы аралап, табиғаты мен атмосферасына ерекше баға берді.

Австралиялық Деборра Лайт ұлымен бірге келген. Ал БАӘ-ден келген Сұлтан Абдулла Әлғалиби: «Әзірге кеткіміз келмейді», – дейді.

Бүгін Алматыда Kanye West-тің әлемдік туры аясындағы концерті өтеді. Ал қонақтар үшін бұл - музыкамен қатар, Алматыны танып-білуге тамаша мүмкіндік.