Есіл өзеніне жеңіл автокөлік батып кетті

Қызылжар ауданында жеңіл автокөлік жағадан Есіл өзеніне сырғып кеткен.

Фото: Видеодан алынған кадр

Оқиға орнына көлік иесіне көмек көрсету үшін ТЖМ құтқарушылары жедел жетті, деп хабарлайды Sn.kz ақпарат порталы.

Автокөлікті алып шығу жұмыстарына сүңгуір-құтқарушы жұмылдырылды. Ол суға түсіп, автокөлікті қосымша арқанмен бекітті. Осыдан кейін құтқарушылар авариялық-құтқару автомобилінің көмегімен көлікті сәтті шығарды.

Оқиға салдарынан зардап шеккендер жоқ.