Үкім өзгеріссіз қалды: Блогер Әділетхан Молдахан 2,5 жылдық жазасын өтейтін болды

Апелляциялық сот заңгер әрі блогер Әділетхан Молдаханға қатысты шығарылған үкімді өзгеріссіз қалдырды, деп хабарлайды Sn.kz ақпарат порталы.

22 қыркүйекте өткен сот отырысында қорғау тарапы мен Молдаханның жақындары оның жазасын жеңілдетуді сұрап, апелляциялық шағым түсірген. Алайда сот алқасы шағымды қанағаттандырмай, бірінші сатыдағы соттың шешімін күшінде қалдырды.

Еске салайық, бұған дейін Әділетхан Молдахан ҚР Қылмыстық кодексінің 274-бабы 3-бөлігі, яғни «Көрінеу жалған ақпарат тарату» бабы бойынша кінәлі деп танылған. Сот оны 2 жыл 6 айға бас бостандығынан айырған еді.