Петропавлдағы 1-Кирпичная көшесінің тұрғындары жолдың нашар жағдайына шағымданды, деп хабарлайды Sn.kz ақпарат порталы.
Жаңбыр жауса, көше лайсаңға айналып, терең көлік іздері мен шалшықтардан жаяу жүрудің өзі қиындайды.
Тұрғындардың айтуынша, бұл жолмен олар күн сайын жұмысқа, мектепке және үйіне қатынауға мәжбүр.
Кадрлардан кей учаскелермен көліктің де еркін өте алмайтынын байқауға болады.
Жергілікті жұрт мәселе назарға алынып, жол қалыпқа келтіріледі деп үміттенеді.
Қалыпты жол сән-салтанат емес, тұрғындардың күнделікті қауіпсіз жүріп-тұруына қажет қарапайым жағдай.