Жаңалықтар 03.09.2014 сағат 08:39

Маңғыстау облысында жоғалған цезий контейнерін іздеу штабы құрылды

Маңғыстау облысының әкімі Алик Айдарбаевтың тапсырмасы бойынша, облыс аумағында жоғалған радиоактивті цезий-137 заты салынған контейнерді іздестіру жөніндегі жедел штаб құрылды, деп хабарлайды Азаттық.

Бөлісу
Бөлісу
Бөлісу

27 тамыз күні Орал қаласынан Маңғыстау облысына бара жатқан «КАМАЗ» жүк көлігінен цезий-137 радиоактивті заты салынған, биіктігі 30, диаметрі 20 сантиметр, салмағы 50-60 килограмм болатын контейнер жоғалған. Оқиға Сай Өтес ауылынан Шетпе ауылына дейінгі аралықта болған. Облыстық ішкі істер департаменті (ІІД) «радиоактивті материалдармен жұмыс істеу ережесін бұзу» фактісі бойынша қылмыстық іс қозғалғанын хабарлаған.

Іздестіру жөніндегі штабты облыс әкімінің орынбасары Әнуар Шөжеғұлов басқарып, оның құрамына ІІД, Ұлттық қауіпсіздік комитеті департаменті, төтенше жағдайлар жөніндегі департамент басшылары, мамандар кірген. Контейнерді іздестіру жұмысына ішкі істер министрлігінің 6656 әскери бөлімі де жұмылдырылған.

Цезийдің жасанды радиоактивті изотобы саналатын цезий-137 материалы медицинада - рентгендік терапияда, өнеркәсіпте - өлшеу аппараттарын жасау үшін пайдаланылады. Қауіпсіздік шартын сақтамаса, цезий-137 қоршаған ортаға радиоактивті зиян келтіреді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар