Қарағанды облысында бір жасар сәби алтыншы қабаттың терезесінен құлап түсті

Қарағанды облысындағы Приозерск қаласында бір жасар қыз бала алтыншы қабаттың терезесінен құлап кетіп көз жұмды, деп хабарлайды «Қазақпарат».

«Ес-түссіз қалған сәби ауруханаға жеткізілді. Куәгерлердің сөзіне қарағанда, ол алтыншы қабаттың терезесінен құлаған. Алған жарақаттары салдарынан бүлдіршін ажал құшты», деп хабарлады қалалық ауруханадан.

Сәбидің қаза болу фактісі бойынша тергеуалды тексерістер жүргізілуде.