Қазақстанда мемлекеттік ұран пайда болуы мүмкін

Қазақстанға ұлттық ұран керек, дейді Айдос Сарым.

«Көптеген елдердің мемлекеттік рәміздерінен (туы, әнұраны, елтаңбасы) тыс мемлекеттік ұрандары болады. Бұл ұрандар сол мемлекет халқының мұң-мұқтажын, арман-мұратын, ұмтылатын биігін айқындайды, елдік идеясы мен идеологиясына негіз болады. Осы 23 жылда қаншама ұранды бастан өткердік. 3-4 жылда бір ұранды ауыстырып, тоздырып жатамыз», − деп жазылған А. Сарымның Facebook-тегі жеке парақшасында.

Саясаттанушы еліміздің жаңа ұраны ретінде өзіне ұнайтын екі нұсқаны ұсынып отыр. Олар:

1) Азаттық. Бірлік. Өрлеу.2) Ұлт. Азаттық. Еңбек.