$ 439.43 € 473.31 ₽ 4.82
Елімізде қараша айында азық-түлік бағасы айтарлықтай өзгермеген, деп хабарлайды Skifnews.kz «Қазагромаркетинг» АҚ баспасөз қызметіне сілтеме жасап.
Аталмыш ведомствоның 2014 жылдың 18-25 қарашасы аралығында ел аймақтары бойынша азық-түлік бағаларына жүргізген мониторингі бөлшек сауда бағаларының айтарлықтай өзгерісін анықтамаған.
«Қарастырылып отырған кезең аралығында еліміздің ешбір өңірінде ет пен сүт, бакалея өнімдерінің бағасы айтарлықтай (10%-дан артық) өзгерген жоқ», – делінген хабарламада.
Алайда кейбір азық-түлік бағаларының бағасы өзгерген. Олар: қарақұмық, қызанақ, тәтті бұрыш, қияр секілді көкеніс өнімдері.
Сарапшыларлың пікірінше, Ағымдағы аптада сатушылардың көтерме бағаны ұлғайтуы салдарынан қарақұмық жармасы Қарағандыда 34%-ға 148-ден 198 теңге/кг-ға дейін, Қызылордада 19%-ға 180-нен 215 теңге/кг-ға дейін, Павлодарда 18%-ға 170-тен 200 теңге/кг-ға дейін, Талдықорғанда 14%-ға 141-ден 161 теңге/кг-ға дейін, Ақтөбеде 12%-ға 170-тен 190 теңге/кг-ға дейін қымбаттады.
Айта кетерлік жайт, қарамұқтың ең арзан бағасы Көкшетауда тіркелген. Мамандардың хабарлауынша, Көкшетауда қарақұмық жармасы 22%-ға 230-дан 180 теңге/кг-ға дейін арзандаған. Ол жеткізілім мөлшерінің ұлғаюымен және көтерме бағалардың 11%-ға 190-нан 170 теңге/кг-ға дейін арзандауына байланысты екен.
