14 жастағы қазақстандық спортшы әлемді мойындатты

Германияның Дортмунд қаласында мәнерлеп сырғанаудан өткен NRW Trophy жарысында қазақстандық Элизабет Тұрсынбаева жасөспірімдер арасында алтын медаль жеңіп алды, деп хабарлайды «Азаттық радиосы».

14 жастағы спортшы қыз қысқа бағдарламада 58,72 ұпай, негізгі бағдарламада 117,40 ұпай жинап, қоссайыс қорытындысында 176,12 ұпаймен үздік шықты.

Айта кетейік, 2011 жылы Элизабет Тұрсынбаева осы жарысқа қатысып, қола жүлде иеленген болатын.