Жаңалықтар 09.12.2014 сағат 04:48

Мұнайдың бағасы одан әрі құлдырауда

Әлемде мұнай бағасы соңғы 5 жылда болмаған дейгейге дейін төмендеді, деп хабарлайды Skifnews.kz.

Бөлісу
Бөлісу
Бөлісу

«Азаттық радиосы» хабарлауынша, Нью-Йорк тауар биржасында WTI маркалы мұнай бағасы төрт пайызға дейін төмендеп, желтоқсанның 8-і күні кешкі саудада бір баррелі 63 доллар 3 цент болды. WTI маркалы мұнай бағасы соңғы бес жылда мұндай деңгейге дейін арзандамаған. Лондондағы саудада Brent маркалы мұнай маркасының баррелі 66 доллар 19 центке дейін төмендеді.

Сарапшылар мұнай бағасының құлдырауын Morgan Stanley қаржы корпорациясы жариялаған болжамдармен байланыстырады. Ұйымның болжамынша, 2015 жылы әлемде ұсынылатын мұнай көлемі сұраныстан артып кетіп, Brent маркалы мұнайдың баррелі орта есеппен 70 АҚШ доллары болуы мүмкін. Morgan Stanley ұсыныс көбейе түссе, мұнай бағасы 43 АҚШ долларына дейін төмендеуі мүмкін дейді.

Өткен айдың соңында мұнай экспорттаушы елдер ұйымы – ОПЕК мұнай өндіру көлемін азайтпау туралы шешім қабылдаған соң мұнай бағасы айтарлықтай арзандаған. Мұнай бағасы бірқатар елдерде, оның ішінде Қытайда экономикалық өсім баяулап, АҚШ-тағы тақтатастан мұнай өндіру көлемі артқан кезде арзандап отыр.

Айта кетейік, биыл  әлемде мұнай бағасы шілде айынан бері 40 пайызға арзандады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар