Жаңалықтар 15.12.2014 сағат 05:08

Қарағандылық шахтерлар наразылықтарын білдіруде

Тентек шахтасының жұмыскерлері бір жарым жылдан бері бақыр тиын көрмедік дейді. Компания бүгінде жиырмаға жуық жұмыскердің әрқайсысына бір миллион теңгеден астам қаржы берешек екенін жасырмайды, деп хабарлайды «31 арна».

Бөлісу
Бөлісу
Бөлісу

Бірақ, олар қолдан келер шара жоқ деп қол қусырып отыр.

Бұл сомма аты шулы Арселор Миттал Теміртаудың тек бір жұмыскердің алдындағы қарызы. Несиесі өсіп, қарызы көбейген бұл азаматтан бөлек тағы жиырмадан асқан кенші бар. Шахтерлар Тентек шахтасының кеңсесіне баса көктеп кіруге мәжбүр болды. Себебі, басшылықтың ертең береміз деген уәделері бір жарым жылдан бері орындалмай келеді. Тек аванспен күн көрген отағалар, жұмыс істеуге ешқандай жағдай да қарастырылмаған дейді.  

«Ешқандай жағдай жасалмаған. Келісімшарт қойылмаған бізбен бірге істеуге. Береміз деп уәде етеді. Ал беріп жатқан ешкім жоқ», – дейді жұмысшылар.

Ал былтырғы жылдың мамыр айында Арселор Миталл Теміртау компаниясымен келісімшартқа отырған мердігерлер кеншілерге «ақшаны өз қалтамыздан төлеп келдік» дейді. Үш жүз миллион алашағымыз бар деген басшылық ақша сұрап Англияда жатқан Арселордың кеңсеніне де хабарласқан.

«Біз оларға күнде хабарласамыз. Күнде бір уәдені айтады. Бірақ оны орындамайды. Белгіленген ақша былтыр төленуі тиіс еді. Содан бері созып келе жатыр», – дейді Горный компаниясының директорлар кеңесінің төрағасы Евгений Николаев.

Мердігердің жұмысшылар алдындағы берешегі қазірдің өзінде 100 млн асыпты. Шыдамы шегіне жеткен еңбеккерлер жалақымызды бір жарым жылдан бері көрмедік дейді. Белгіленген шаруаның көбін орындаған жұмысшылар бүгін ертең ақшамыз берілмесе, наразылық акциясына шығамыз деп отыр.  

Естеріңізге сала кетейік, өткен аптада  компания басшысын қабылдаған Нұрсұлтан Назарбаев Митталға жұмысшылардың жалақыcын кешіктірмеуді ескерткен еді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар