$ 439.43 € 473.31 ₽ 4.82
Ақмола облысында боранда адасып қалған 3 сынып оқушылары табылып, ата-аналарына тапсырылды, деп хабарлайды «ҚазАқпарат» облыстық ІІД баспасөз қызметіне сілтеме жасап.
Полицейлердің хабарлауынша, желтоқсанның 26-ы күні Ерейментау аудандық ІІБ Еркіншілік ауылынан 9 жастағы 3-ші сыныпта оқитын үш баланың жоғалып кеткені жөнінде ақпарат түскен. Кейін белгілі болғандай, балалар өздерінің бірге оқитын сыныптастарының үйінде болып, сағат 16:00 шамасында шығып кеткен. Содан бері оларды ешкім көрмеген.
Осыған байланысты әкімдік, мектеп ұжымы мен ата-аналары және 40-тан астам полицейлер мен құтқарушылар тартылып, ауыл маңын түгел сүзіп шыққан.
Нәтижесінде түнгі 22:25 шамасында адасқан балалар ауылдан 3 шақырым жердегі саяжайдан табылды. Дәрігерлер балалардың денесінен ешқандай жарақат пен үсік шалу белгілерін анықтамады. Олардың барлығы дін-аман ата-аналарымен қауышты.
