ОҚО-да облыстық мәслихат депутаты мен ауданның экс-әкімі жол апатынан қаза тапты

Оңтүстік Қазақстан облысында жол апатынан Арыс ауданының экс-әкімі, облыс әкімінің кеңесшісі Сейіт Ертай мен Шардара ауданының экс-әкімі, бүгінде облыстық мәслихаттың депутаты болған Қамытбек Айтөреев қайтыс болды.

Бұл туралы "Оңтүстік Қазақстан" газеті мәлімдеді.

Алдын ала мәліметтер бойынша, қайғылы оқиға Шымкент-Түркістан тас жолының бойында, Төрткөл ауылына жақын маңда орын алған. Марқұмдар мінген жол талғамайтын көлік Түркістаннан Шымкентке қарай шыққан көрінеді. Көлік жүргізушісі жол бойында тоқтап тұрған жүк көлігіне соқтығысқан деген мәлімет бар.