Денесінен 16 ине табылған өзбекстандық сәби қайтыс болды

Денесінен 16 ине табылған өзбекстандық 11 айлық сәби қайтыс болды. Бала инелерді алып тастау үшін жасалған операциядан кейін көз жұмыпты. Бұл туралы өзінің Facebook-парақшасына Өзбекстандағы Демократия және адам құқығы институтының директоры Сайера Ходжаева жазды.

«Денесінен ине табылған бала бүгін қайтыс болды. Иманды болсын», – деп жазды ол желідегі парақшасына.

Еске салайық, Өзбекстанның Ферғана облысында 11 айлық нәрестенің денесіне 16 дана ине кіріп кеткен және сол инелермен бала 1 айға жуық уақыт азаптанып жатыпты. Қаңтардың 21-і күні балаға операция жасалған еді.