Жаңалықтар 30.01.2018 сағат 05:14

Жығылғанға жұдырық: Бішкекте қақаған аязда тұрғындар жылусыз қалды

Бішкекте 26 қаңтарда Жылу электр орталығында (ЖЭО) апат болып, қала тұрғындары жылусыз қалды. Жылумен бірге ыстық су да берілмеді. Пәтерлерде температура 14-15 градусқа дейін түскен деп мәлімдеді Азаттық тілшілері.

Бөлісу
Бөлісу
Бөлісу

Көптеген аурухана мен емхана дәрігерлері емделу бөлмелерінің суықтығынан ауыр сырқаттарды қабылдамады. Перзентхана мен жедел жәрдем бөлімшелеріне электрлі жылыту құрылғылары жеткізілді.

27 қарашада ЖЭО-ға температура жүйесін тұрақтандыратын қосымша қазанагрегатты іске қосқан болатын. Бірақ ол да жарылып кеткен.

Қырғызстан президенті Сооронбай Жээнбеков премьер-министр Сапар Исаковпен ЖЭО апатын талқылап, апаттың себебін зерттеуді тапсырды. Ол сонымен бірге қала тұрғындарына қатты аязда "сабырлық танытып жатқаны үшін" алғысын жеткізді.

Бішкекте Жылу электр орталығын модернизациялау 2014-2017 жылдары жүрген. Екі жаңа қазандық салу үшін 386 млн доллар бөлінген. Құрылыс жұмыстарын қытай компаниясы жүргізген. Алайда ЖЭО қатты аязға төзе алмады.

Соңғы кездері Бішкекте түнде ауа темпепатурасы - 25-30 градусқа дейін жетті. Қырғызгидрометтің болжамы бойынша, қатты аяз 30 қаңтарға дейін сақталады. ​

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар