Қазақстанда туристерді қорғауға арналған сақтандыру қоры құрылады

«Арнайы сақтандыру қорын құруды қарастыратын түзетулерді енгізу жоспарланып отыр. Егер қандай да бір стандартты емес жағдайлар болған жағдайда, бұл қор біздің азаматтарымыз аман-есен үйлеріне қайтуына кепіл болады», — деп мәлімдеді сәрсенбі күні Астанада журналистермен болған кездесуде мекеме өкілі.

Бұған қоса, мемлекеттік органдар туроператорларға қойылатын талаптарды қатаң ету қажеттілігі туралы сауалды қайтадан көтеріп отыр.

«Сондай-ақ туроператорлар мен туристік агенттіктерді сақтандыруға қатысты шаралар қабылданатын болады. Қазіргі таңда туристік агенттіктердің азаматтық-құқықтық жауапкершілік бойынша максимал сақтандыру төлемі — 3 млн теңге. Бұл сомма көп жағдайда залалды толық өтемейді және бұл тұста да атқарылатын жұмыстар көп. Заң жобасы дайын. Қазір біз осы жобаны мүмкіндігінше осы жылы қабылдау бағытында жұмыс жасап жатырмыз», — деді Т.Дүйсенғалиев.