Алматылықтар аутизмге шалдыққандарға қолдау білдірді

«Милосердие» қайырымдылық қоғамының «Аутизмді жеңеміз» орталығы «Ашық әлем» қорымен біріге отырып, ерекше балаларға ерекше мереке ұйымдастырды. Балалар театр сабағына, спорттық шараларға қатысып, ойын флешмобын ұйымдастырды.

Мамандардың айтуынша, аутизммен ауыратын балалардың қоғамға бейімделуі ортасына тікелей байланысты. «Ашық әлем», қоры келтірген мәлімет бойынша 2017 жылы 3820 адамда, оның ішінде Алматыда - 799 адамда аутизм белгілері анықталған.

«Синдромды ерте анықтау, ата-ананың қолдауы, оқыту өте маңызды. Біздің санамызға төңкеріс керек. Сонда ғана балаларымыз қоғамға тез бейімделетін болады», - деді ата-аналар.