Алматыда Фариза Оңғарсынованың атына көше беру ұсынылды

Алматыдағы көшелердің біріне Фариза Оңғарсынованың есімі беріледі. Алматы мәслихатының комиссиясы Бостандық және Алатау аудандарындағы 164 көшенің атауын өзгерту туралы ұсыныс жасады. Бұл туралы qazaqinfo.kz жазады.

Алматы қаласы мәслихатының VI шақырылымының әлеуметтік-мәдени даму бойынша тұрақты комиссиясының кеңейтілген отырысы 2018 жылдың 28 сәуірінде өткен. Онда Алатау ауданында атауы қайталанатын 118 көшенің атын ауыстыру ұсынылды.

Осылайша, Алатау ауданы «Алғабас» ықшамауданындағы Ақсай көшесін ақын Фариза Оңғарсынова, ал Бостандық ауданындағы «Алатау» ықшамауданындағы Наурыз көшесінің атауын әнші Батырхан Шүкенов атына өзгерту ұсынылды.