Астанада өзеннен сәбидің денесі табылды

Астанада өзеннен жаңа туған сәби өлі табылды, - деп жазады Tengrinews.kz. Бұл мәліметті қалалық ІІД баспасөз қызметінің өкілдері растады.

Сәбидің денесі 24 мамырда Есіл өзенінен табылған.

"Астана қалалық Ішкі істер департаментінің өкілдері ҚР Қылмыстық кодексінің 100-бабы бойынша ("Жаңа туған баланы анасының өлтiруi") сотқа дейінгі тергеу бастады. Қажетті сараптамалар тағайындалды. Сәбидің анасын анықтауға және осы қылмысты ашуға бағытталған кешенді іс-шаралар жүргізіліп жатыр", - деп хабарлады Астана қалалық ІІД өкілдері.