Астананың 20 жылдық мерейтойында қазақстандықтар 3 күн демалады

Жұмыс күндерін ауыстыру жоспарланып отырған жоқ, демалыс күндерінің саны жұмыс аптасының ұзақтығына байланысты болады.

Қазақстан тұрғындары алдағы Астана күнін тойлауға байланысты екі немесе үш күн демалады.

Биыл мереке күні – 6 шілде жұмаға сәйкес келіп тұр.

«Электронды үкімет» сайтында жарияланған меереке және демалыс күндерінің күнтізбесіне сәйкес, одан кейінгі 7 және 8 шілде сенбі мен жексенбіге түседі. Яғни аптасына бес күн жұмыс істейтін қазақстандықтар қатарынан үш күн – 6,7 және 8 шілдеде демалады.

Ал алты күн жұмыс істейтін азаматтарға 7 шілде жұмыс күні болып қалады, олар тек 6 және 8 шілдеде демалады. Жұмыс күндері ауыстырылмайды.

Биыл Қазақстан елордасы 20 жылдық мерейтойын атап өтеді.

Дереккөз: Sputniknews.kz