$ 442.05 € 474.14 ₽ 4.74
Алматы облысында кілем жуамын деп суға ағып кеткен 32 жастағы әйелдің денесі 4 күннен кейін табылды деп жазады Newtimes.kz.
Іздестіру шараларына Төтенше жағдайлар қызметінің Республикалық және облыстық жедел құтқарушылар тобы жұмылдырылды. Сондай-ақ, полиция, волонтерлер, өрт сөндірушілер де атсалысты.
"27 шілде күні сағат 17.55-те Алматы қаласы маңында оқиға орнынан 30 шақырым жерде әйелдің өлі денесі табылды. 23 шілдеде Еңбекшіқазақ ауданында кілем жуып отырған сәтте Үлкен Алматы каналына құлап түскен", - деді Р.Иманқұлов.
Оқиға кезінде әйелдің қасында күйеуі болған. Өкінішке орай, әйелін құтқарып қала алмаған. Әйел жүзуді білмеген.
Еске салсақ, Астанада да кілем жуған әйел екі қызымен суға батып кеткен болатын.
