Таразда жасөспірім мен кішкентай бала бассейнде суға батып кетті

Тараздың жекеменшік демалыс орындарында қайғылы оқиғалар тіркелді. Жасөспірім мен 7 жасар бала суға кетті деп хабарлайды Жамбыл облысы ТЖД.

«Күншуақ» демалыс орнының аумағында 7 жасар бала бассейнде шомылып жүріп, суға батып кетті. Куәгерлер баланың денесін судан өз беттерімен алып шыққан», - деді ведомство өкілі.

Сондай-ақ, «Уатервиль» жекеменшік демалыс орнының маңындағы хауыздан куәгерлер 14 жастағы жасөспірімнің денесін алып шықты.

Жамбыл облысының Төтенше жағдайлар департаменті мәлім еткендей, адамдардың шомылуға арналған жерлерде қаза табуы жиілеп кеткен. Осылайша, 2 тамызда «Жаңатас» қалалық жағажайында 54 жастағы ер адам суға кетіп, мерт болған.

Ведомствоның берген ақпаратына сәйкес, жыл басынан бері облыстың су қоймаларында арты қазаға алып келген 15 жағдай тіркелген.

Дереккөз: ҚазАқпарат