Алматыда жолдың қарсы бетіне шығып кеткен мотоцикл автокөлікке соғылып, екіге бөлінді

Алматыда Медеу айдынына жақын жерде Горная көшесінде мотоцикл жеңіл көлікпен соқтығысты, деп жазады Sputniknews.kz.

Куәгерлердің сөзіне сүйенсек, мотоциклші Горная көшесімен оңтүстік бағытта кетіп бара жатады. "Медеу" мұз айдынына жете бергенде, байкер неге екені белгісіз, рөлге ие бола алмай, қарсы бетке шығып кетіп, Toyota Corolla көлігімен соқтығысқан. Соққының қатты болғаны сонша, мотоцикл екіге бөлініп кетті.

Екі жүргізуші де зардап шекті. Автокөлік иесі әртүрлі жарақатпен ауруханаға жатқызылса, байкер комада жатыр.