Елімізде сатиралық жаңа телеарна ашылды

1 қыркүйектен бастап елімізде ойын-сауықтық «Tamasha tv» телеарнасы эфирге жол тартады. Оның басшысы болып Есен Елеукен тағайындалды.

Жаңа телеарна OtauTV және iDTV пакеттерінде HD форматында қолжетімді болады. Сондай-ақ, алдағы уақытта басқа да кабельдік операторларда SD форматта таратылмақ.

«Tamasha tv» арнасы «Әзіл әлемі» «Жайдарман», « Хаха-шоу», «Әзіл man», «Көңілді тапқырлар алаңы», «Қызық екен», комедиялық телехикаялар және қызықты жобаларды ұсынбақ. Телеарнаның орташа тәуліктік хабар тарату уақыты 22 сағатты құрайтын болады.

Сондай-ақ, жаңа телеарнада телерадиокорпорация мұрағатында жылдар бойы сақталған, кезінде көрерменнің көңілінен шыққан танымал ойын-сауықтық бағдарламалар эфирге қайтадан оралатын болады.