Жаңалықтар 12.09.2018 сағат 05:53

Ақтөбеде директорлар грантқа түсіру үшін талапкерлердің балын жоғарылатқан

Ақтөбе облысында грантқа түсу балын әдейі жоғарылату фактілері анықталды деп жазады ҚазАқпарат.

Ақтөбеде директорлар грантқа түсіру үшін талапкерлердің балын жоғарылатқан
Бөлісу
Бөлісу
Бөлісу

«Тамыз айында колледждер мен ЖОО-дағы мемлекеттік грант бөлінісіне мониторинг жүргіздік. Биыл жергілікті бюджет қаражаты есебінен колледждерде 4 мың тегін оқу орны бөлінген. Тексеріс кезінде кейбір колледж директорлары жекелеген талапкерлерге мемлекеттік грантты беру үшін балын әдейі жоғарылатқанын анықтадық. Тексеріс әлі жүріп жатыр, біз шара қарастырамыз. Әрбір колледжде осындай 3-4 дерек анықталып жатыр», — дейді Мемлекеттік қызмет істері және сыбайлас жемқорлыққа қарсы іс-қимыл агенттігі Ақтөбе облыстық департаменті басшысының орынбасары Рафхат Бисенов.

Оның айтуынша, қамқоршылық кеңестің құрылғанына қарамастан, мектептерде әлі күнге ақша жинау дерегі жойылмай тұр. Жуырда ғана №5 мектепте ата-аналардан ақша жиналғаны туралы ақпарат әлеуметтік желіге тараған болатын.

«Біз ақша жинау дерегіне шара қолданамыз. 11-сынып оқушыларынан ҰБТ-ға дайындау үшін 300-500 теңгеден ақша жинау фактілері бар. Бұл заңға қайшы, біз мұндай әрекеттерді заңсыз деп тану туралы ұсыныстар енгізіп жатырмыз», — дейді Р. Бисенов.

Оқи отырыңыз

загрузка...

Соңғы жаңалықтар

Қызықты материалдар