Қазақстан азаматы Стамбұл әуежайында өзіне қол салды

Қазақстандық ер адам Ыстамбұлда «Ататүрік» әуежайында қайтыс болды. Ақпаратты Қазақстан Республикасы Сыртқы істер министрлігінің баспасөз қызметіндегілер растады деп хабарлайды Tengrinews.kz.

СІМ өкілдерінің хабарлауынша, 27 қыркүйекте сағат 19.00-де Ыстамбұлдағы «Ататүрік» халықаралық әуежайында Қазақстанның 1981 жылы туған азаматы әкімшілік ғимараттың екінші қабатынан секіріп, суицид жасаған.

«Ол 26 қыркүйекте Түркияға ұшып келіп, бір тәулік әуежайда қонған. Оқиға болған жерге келген түрік дәрігерлері оны құтқара алмады», - деп хабарлады министрліктегілер.