Қостанайдағы түнгі клубта полицейлер төбелесіп қалды (ВИДЕО)

Қостанайдағы көңіл көтеру орындарының бірінде ІІД-нің үш сержанты мен полицияның экс-қызметкері төбелесіп қалды деп хабарлайды Tengrinews.kz.

Төрт ер адамның арасындағы жанжал 2 қазанда қаладағы түнгі клубтардың бірінде болды. Жанжалдың себебі айтылған жоқ. Оқиға мейрамхананың фойесіндегі камераларға түсіп қалған.

«Жанжал бұрынғы полицей мен үш сержанттың арасында болған. Полицейлер қызметтен тыс болған. Қызметтік тергеу жүріп жатыр», - деп хабарлады Қостанай облыстық әкімдігінің баспасөз қызметіндегілер.

Айта кетейік, облыстық ІІД жеке қауіпсіздік басқармасы бұзақылық дерегі бойынша сотқа дейінгі тергеуді бастап кетті.