Шымкентте өз қызын пышақтаған әке сотталды

Аталған соттың судьясы Элеонора Бакированың сөзінше, тергеу барысында айыпталушының кінәсі дәлелін тапқан. Алайда ол ауыр жарақаттаған қызына алғашқы жәрдем көрсетіп, жедел жәрдем шақыртқан. Емдік шараларының шығынын көтеріп, ауруханаға үзбей барып тұрған. Сотта өз кінәсін толық мойындап, өкінетіндігін айтқан. Әкесіне қызы да кешірім берген. Осы мән-жайлар сот үкімі кезінде ескерілген болып шықты.

Айта кетейік, қала тұрғыны теледидар қарауға кедергі келтірген 28 жастағы қызына асхана пышағымен екі рет соққы жасаған болатын. Арқа тұсы ауыр жарақаттанған бойжеткен ауыр халде ауруханаға жеткізілді. Дер кезінде емдік шаралар жасаудың нәтижесінде ол аман қалған еді.