Ақмола облысында теміржол рельстерін ұрламақ болғандар ұсталды

Полиция департаментінің хабарлауын, қылмыс қазанның 29-ы күні Бұланды ауданында тіркелді.

Белгісіз екі адам теміржол тұйықтамасынан екі рельсті ұрламақ болып жатқан кезде қолға түсті.

«Күдіктілер 30 және 28 жастағы жергілікті тұрғындар. Олар рельсті металға өткізбек болған. Теміржол тұйығына келтірілген шығын көлемі 845 мың теңгеге бағаланып отыр», – деді баспасөз қызметінен.

Қазіргі кезде, осы оқиғаға байланысты ҚР ҚК 188-бабының 1-бөлімі бойынша іс қозғалып, сотқа дейінгі тергеу амалдары жүргізілуде.