Жаңалықтар 16.11.2018 сағат 04:20  283

АҚШ журналистің өлімінен соң Сауд Арабиясына санкция салды

АҚШ Сауд Арабиясының журналисі Жамал Хашоггидің өліміне байланысты Эр-Риядқа санкция салды. «Магнитский заңы» аясында салынған қаржылық шектеуге Сауд Арабияның 17 азаматы ілінді деп жазады Азаттық.

АҚШ журналистің өлімінен соң Сауд Арабиясына санкция салды
Бөлісу
Бөлісу
Бөлісу

«Қара тізімге» енгендер арасында Сауд Арабиясының Стамбулдағы бас консулы, барлау қызметінің полковнигі және тақ мұрагері Мұхаммед ибн Салманның кеңесшісі бар. АҚШ Қаржы министрлігі аталған адамдар журналисті өлтіру операциясына қатысқан деп атады.

Washington Post басылымының шолушысы, соңғы жылдары Эр-Риядтың саясатын сынап жүрген оппозициялық журналист Жамал Хашогги 2 қазан күні Сауд Арабиясының Стамбулдағы консулдығына құжаттарын рәсімдеуге кіріп, қайтып шықпаған.

Эр-Рияд әуелде Жамал Хашоггидің жоғалуына қатысы жоғын айтқанымен, екі аптадан соң журналистің арнайы қызметтің «рұқсат берілмеген операциясы барысында» қаза тапқанын мәлімдеген еді. Кейін Сауд Арабиясының прокуроры журналистің қасақана өлтірілгенін мойындаған. Бірақ Хашоггидің денесі сол күйі табылмады.

Сауд Арабиясы билігі бұл іске қатысы бар деп 18 адамды тұтқындады және Хашоггидің туыстарына көңіл айтты. Тақ мұрагерінің жоғары шенді бес кеңесшісі қызметтерінен босатылды.

15 қарашада Сауд Арабиясының прокуроры Жамал Хашоггиді өлтіру туралы бұйрықты Стамбулға аттанған келіссөз тобының басшысы бергенін мәлімдеді. Олар Хашоггиді Сауд Арабиясына әкелмек болған. Прокурор 11 адамға айып тағылғанын жеткізді. Бірақ Эр-Рияд бұл іске ел билігінің қатысы жоқ деп отыр.

Батыс елдері мен Түркия билігі мұнымен келіспейді. Олар журналисті өлтіруге тақ мұрагері ханзада Салманның қатысы болуы мүмкін деп есептейді.

Оқи отырыңыз

‡àãðóçêà...

Соңғы жаңалықтар