Жаңалықтар 25.11.2018 сағат 09:15

Алматы облысында балыққа кеткен 4 адамды іздестіріп жатыр

Алматы облысында балық аулауға кетіп, үйлеріне оралмаған 4 адам іздестірілуде. Олардың екеуі бір айға жуық уақыттан бері табылмай жатыр деп жазады ҚазАқпарат.

Алматы облысында балыққа кеткен 4 адамды іздестіріп жатыр
Бөлісу
Бөлісу
Бөлісу

Дәл қазіргі уақытта құтқарушылардың жұмыстары Қапшағай су қоймасы, Іле ауданының Жетіген ауылындағы Іле өзенінде, сонымен қатар Балқаш ауданындағы Бақбақты ауылындағы Іле өзенінде жүргізіліп жатыр.

Алматы облыстық Төтенше жағдайлар департаменті баспасөз қызметінің мәліметінше, 24 қараша күні  Қапшағай су қоймасында 2 балықшы жоғалып кеткен. Болжам бойынша, із-түзсіз кеткендер қайықпен балық аулауға шыққан. Қазір екі адамды 3 құтқарушы іздестіріп  жатыр. Ал тағы екі адамның жоғалғанына бір айдай уақыт болған. Оның бірі Іле ауданында, екіншісі Балқаш ауданында хабар-ошарсыз кеткен.

Мәселен 1969 жылғы Никрасов А. А. есімді азамат 21 қазаннан бері хабар-ошарсыз. Болжам бойынша ол Іле ауданының  Жетіген ауылындағы Іле өзенінде  балық аулап отырған сәтінде суға батып кетуі мүмкін. Бүгін азаматты іздеуге 4 құтқарушы  шықты. Ал Балқаш ауданының Бақбақты ауылындағы Іле өзенінде 27 қазан күні жоғалған 1984 жылғы азаматты іздеуге 11 жұмысшы жұмылдырылған.

Жоғалған Ли Б.А. есімді азамат болжам бойынша балық аулап отырғанда сәтінде суға батып кеткен болуы мүмкін. 

Естеріңізге сала кетейік, 20 қараша күні Алматы облысындағы Балқаш көліне балық аулауға кеткен ерлі-зайыптылардың өлі денелері табылған болатын. Аягөз ауданы тұрғындарының мүрделері 11 күннен кейін табылғанын хабарлаған болатынбыз.      

Оқи отырыңыз

загрузка...

Соңғы жаңалықтар

Қызықты материалдар