А.Айымбетов Жезқазған қаласынан 146 шақырымдай жерге қонады деп күтілуде

Бортында Қазақстан ғарышкері Айдын Айымбетов бар «Союз ТМА-16М» ғарыш кемесі қыркүйектің 12-сі күні, Астана уақыты бойынша сағат 6:52-де Жезқазған қаласынан 146 шақырымдай жерге қонады деп жоспарланған.

Бұл ақпаратты Ресейдің қорғаныс министрлігі таратты, деп жазады Хабар арнасы. Ғарышкерлерді қарсы алу үшін Ресей орталық әскери округының әскери-транспорттық авиациясы арнайы Қазақстанға келді. Шараға бас-аяғы 200 әскери маман мен арнайы жабдықталған 14 тікұшақ және төрт ұшақ қатысады.