Астанадағы мекемелердің жұмыс уақыты өзгеруі мүмкін

Астана қаласының мекемелерінде, кәсіпорындарында және ұйымдарында жұмыс уақытын өзгерту мүмкіндігі қаралуда, деп хабарлады қалалық әкімдіктің баспасөз қызметінен.

«Астана LRT» ЖШС мониторинг жүргізіп, маршруттар мен көліктер бойынша елорданың көше-жол желісіне түсетін жүктемені анықтады. Аталмыш маршруттар № 1, 3, 5, 6, 17, 31, 35, 38, 50, 53, 54, 56, 59, 60, 66, 70, 75 мектептер орналасқан аудандардан өтеді. Мәселені шешу үшін аталған оқу орындарында сабақты бастау уақытын өзгерту ұсынылды»,- делінген хабарламада.

Осыған орай Астана қаласының Білім басқармасы мектеп директорлары мен ата-аналарға мектептерде сабақтарды сағат 7.40 бастау бойынша жұмыс режиміне өзгерістер енгізуді талқылау және қарау ұсынылды.
Сонымен қатар, Астана қаласының мекемелерінде, кәсіпорындарында және ұйымдарында жұмыс уақытын өзгерту мүмкіндігі де қаралуда.