Теміртауда әйелдің есірткіге тәуелді ұлы ауруханаға жатқызылатын болды

«Қалалық соттың шешімі бойынша Теміртау тұрғынының ұлы 6 айға арнайы емдеу орталығына жіберілетін болды», – деді Полиция департаментінің баспасөз қызметі.

Әйел осы уақыт ішінде полиция бөліміне ұлын айтып, 8 рет арыз жазған. Бірақ артынан өзінің арызын қайта алып кеткен.

«Полиция қызметкерлері әйелдің әр арызын қабылдап, соған байланысты жұмыс жүргізіп отырды», – делінген хабарламада.

Теміртау қалалық сотының мәліметінше, мұның алдында ғана әйелдің ұлы мен оның танысына ұрлық бойынша іздеу жарияланған.