Жаңалықтар 28.11.2018 сағат 08:50  567

Назарбаев: «Бала асырап алу жөніндегі мемлекеттік емес агенттік құру керек»

Қазақстан президенті Нұрсұлтан Назарбаев Қазақстанда бала асырап алу жөніндегі мемлекеттік емес агенттік құру туралы бастаманы қолдады. Астанада өтіп жатқан сегізінші Азаматтық форумда сөйлеген Назарбаев Қазақстанда балалар үйі мүлдем болмауы керегін, «шетелдіктер асырап алған балалардың өз елін сағынатынын» және «басқа адам болып келетінін» айтты.

Назарбаев: «Бала асырап алу жөніндегі мемлекеттік емес агенттік құру керек»
Бөлісу
Бөлісу
Бөлісу

«Мүмкіндігі бар адамдар оларды (балаларды - ред.) балалар үйінен алуы тиіс. Біз агенттік құру туралы идеяны қолдауымыз керек» деді Назарбаев.

Бұдан соң президент білім және ғылым министрі Ерлан Сағадиевке Қазақстанда осы кезге дейін не себепті бала асырап алу жөніндегі ұлттық агенттік жоғын сұрады. Сағадиев соңғы үш жылда Қазақстаннан бір де бір бала шетелдіктердің асырауына берілмегенін, агенттік құру идеясына қарсы емесін айтты.

Бұған дейін Азаматтық форумда сөйлеген BI Group компаниясының басшысы Айдын Рақымбаев бала асырап алу жөніндегі ұлттық агенттік құруға рұқсат беруді сұраған. Оның айтуынша, қазақстандық бір топ бизнесмен елде балалар үйлерінде тәрбиеленіп жатқан бала санын азайту үшін қиын жағдайға тап болған әйелдерге қолдау көрсететін «Аналар үйі» жобасын бастаған.

Дереккөз: Азаттық

Оқи отырыңыз

‡àãðóçêà...

Соңғы жаңалықтар