Жаңалықтар 30.11.2018 сағат 08:45  215

Головкин Мессиге өзінің қолғабын сыйлады (ВИДЕО)

Әлемдік бокс жұлдызы, қазақстандық Геннадий Головкин өзінің қолғабын Аргентина құрамасының капитаны, қазіргі заманғы ең танымал футболшылардың бірі Лионель Мессиге сыйлады.

Головкин Мессиге өзінің қолғабын сыйлады (ВИДЕО)

Қос спортшының кездесуі Барселона қаласында өткен, онда Месси Sirin Labs швейцариялық-израильдік компанияның амбассадоры ретінде Finney алғашқы блокчейн-смартфонын жұртшылыққа таныстырған.

Видеода спортшылар ұзақ сөйлескен жоқ, бар болғаны бір-екі ауыз сөз айтып, естелік суретке түсті. Содан соң GGG Мессиге сыйлық ретінде өзінің алтын түстес қолғабын ұсынды.

«Сәттілік әкелсін», – деп Головкин  Мессиді құшақтады.

Жаңа өнертабыс Finney криптоиндустрияның негізін қалаушылардың бірі  Хэл Финнидің есімімен аталған. Смартфон 15 желтоқсаннан бастап сатылымға шығады.

Дереккөз: Sputniknews.kz

Соңғы жаңалықтар