Жаңалықтар 07.12.2018 сағат 05:10  211

Түркістан облысында пошта қызметкері қомақты ақшаны алып қашып кеткен

Түркістан облысында пошта қызметкері ірі көлемдегі ақшаны заңсыз иемденіп, қашып кеткен деп хабарлайды облыстық ПД баспасөз қызметі.

Түркістан облысында пошта қызметкері қомақты ақшаны алып қашып кеткен
Бөлісу
Бөлісу
Бөлісу

«29 қараша күні  Отырар аудандық полиция бөліміне пошталардың бірінен қатынас хат келіп түскен. Онда мекеменің бір қызметкері бөтеннің ақшасын заңсыз иемденіп, белгісіз бағытқа бой тасалағаны айтылған. Аталған жайт Отырар полиция бөлімінде тіркеліп, сотқа дейінгі тергеу амалдары басталды. Қызметкерлерден құралған жедел тергеу тобы оқиға орнына келіп, мекеме қызметкерінің жалақыға бөлінген 3 800 000 теңге ақшаны алып кеткенін анықтады», – делінген хабарламада.

Тәртіп сақшыларының жедел іздестіру шараларының нәтижесінде күдікті Тараз қаласынан ұсталды. Тергеп-тексеру барысында айғақ зат ретінде ұрланған ақшаның бір бөлігі, яғни 1 миллион теңгесі тәркіленді. Қалған ақшаны ол өз қажетіне жаратып жіберген. Күдіктіден қолхат алынып, үйіне жіберілген. Қазіргі таңда сотқа дейінгі тергеу амалдары жүргізілуде.

Дереккөз: ҚазАқпарат

Оқи отырыңыз

‡àãðóçêà...

Соңғы жаңалықтар