$ 443.85 € 474.3 ₽ 4.8
Қызылорда облысында уақыт 1 сағат кейінге шегерілді деп хабарлайды өңірлік коммуникациялар қызметі.
Хабарлама Қызылорда облысы әкімдігінің ресми парақшасында жарияланған.
Қызылорда қаласындағы орталық алаңда желтоқсанның 20-сынан 21-іне қараған түні сағат 00:00-де уақыт белдеуін өзгертуге байланысты арнайы шара өткізілді.
«Сыр өңірінде табиғи биологиялық уақыттан ауытқушылық мәселесі соңғы 10 жыл бедерінде жиі көтеріліп келді. Түрлі ғылыми-зерттеу институттары да өмір сүру ритмінің бұзылуы тұрғындардың денсаулығына теріс әсер ететінін растады», - дейді Қызылорда облысы әкімінің орынбасары Руслан Рүстемов.
