Елбасы қысқа мерзімді демалысқа шықты

Бүгіннен бастап Нұрсұлтан Назарбаев қысқа мерзімді демалысқа шықты, деп хабарлайды Ақорданың баспасөз қызметі.

«Мемлекет басшысы Нұрсұлтан Назарбаев қысқа мерзімді демалыста», делінген таратылған хабарламада.

Еске салсақ, бұған дейін Мемлекет басшысы қысқа мерзімді демалысқа 2013 жылдың шілдесінде шыққан еді. Ал оның алдында сол жылдың 13 наурызында демалды. 2012 жылы да Нұрсұлтан Назарбаев наурыз және шілде айларында демалысқа шыққан болатын. 2011 жылы Елбасы 11 шілдеде, 2010 жылы 17 мамырда кезекті демалысын алды.