$ 444.22 € 476.38 ₽ 4.82
ШҚО-дағы Зыряновск қаласының пәтерлерінің бірінде бір жасар сәби жұмбақ жағдайда қайтыс болды деп жазады YK-news.kz.
27 желтоқсанда жұмыстан үйіне келген әйел құтқарушыларға хабарласқан. Ол пәтердің есігін аша алмапты. Үйде бір жасар сәбиі мен күйеуі болған. Не себептен екені белгісіз, күйеуі әйеліне есік ашпаған.
Құтқарушылар үйдің есігін бұзып кірсе, ер адам ұйықтап жатыр екен. Ал оның қасындағы бір жасар сәби болса, қайтыс болып кеткен.
Зырянов ауданының прокуратурасы бұл оқиға бойынша тексеру жұмыстарын жүргізе бастады. Сәбидің неден қаза тапқаны анықталуда.
