Жаңалықтар 14.01.2019 сағат 08:54  154

БҚО-да екі көлік соқтығысып, бір жүргізуші қаза тапты

Батыс Қазақстан облысында екі жеңіл көлік соқтығысып, жүргізушінің бірі қаза тапты деп жазады ҚазАқпарат.

БҚО-да екі көлік соқтығысып, бір жүргізуші қаза тапты
Бөлісу
Бөлісу
Бөлісу

БҚО полиция департаментінің баспасөз қызметінен түскен мәліметке қарағанда, оқиға «Самара-Шымкент» жолының 269-шақырымында 12 қаңтар күні орын алды.

«ВАЗ-2110» автокөлігінің 1994 жылғы жүргізушісі көлік тізгініне ие бола алмай, «Рено Логан» автокөлігіне соғылған. Салдарынан жүргізушінің бірі оқиға орнында көз жұмды.

БҚО Денсаулық сақтау басқармасының баспасөз хатшысы Айнагүл Сақпосынованың нақтылауынша, оқиға Теректі ауданы Подстепный ауылынан Барбастауға қарай барар жолда болды. Жедел жәрдем сағат 10.21-де шақырылып, екі бригада бес минуттан кейін жеткен. 1994 жылғы ер адам жедел жәрдем келгенге дейін көз жұмса, 1995 жылғы қыз бен 1971 жылғы ер адам қалалық көпбейінді ауруханаға жеткізілді. 1963 жылғы ер адам мен 1971 жылғы әйел өздігімен медициналық қызметке жүгінген. Қазір қыз бала жансақтау бөлімінде, қалғандары амбулаториялық емделуге жіберілді.

Еске сала кетейік, бұдан бұрын 12 қаңтар күні боранға байланысты облыста жолдардың жабылғанын, ал Атырау-Орал жолында жол апатынан 32 жасар жүргізушінің қайтыс болып, 5 адамның жарақат алғанын жазған болатынбыз.

Оқи отырыңыз

‡àãðóçêà...

Соңғы жаңалықтар