$ 444.32 € 473.33 ₽ 4.76
2015 жылы Қазақстанда жалған құжатпен 500-ден астам несие тіркелген. Бұл туралы LS аналитикалық орталық Бірінші кредиттік бюроге (БКБ) сілтеме жасап хабарлады.
БКБ-ның ақпараты бойынша, 2015 жылы күніне екі жалған несие тіркеліп отырған. Барлық жағдайда алаяқтар несиені қайтармау мақсатында жалған жеке куәлік жасаған.
«Жыл басынан бері 400-ден астам адам өзінің кредиттік тарихынан қате анықтамаларды тауып дау туды»,-делінген БКБ ақпаратында.
Олардың айтуы бойынша, қазақстандықтар осы жылдың қыркүйек айынан бастап өзінің кредиттік тарихын бақылай алатын болады. Қызметке SMS және e-mail арқылы қол жеткізе алады. Кеңес алу не осы қызметке қосылу үшін, БКБ сайтынан басқа, e-gov электрондық үкіметі порталынан және Қазақстанның 80 халыққа қызмет көрсету орталығынан қосылуға болады.
