Дәстүрлі әншілердің қызы жаңа клипке жалаңаштанып түсті (ВИДЕО)

Күллі қазақ xалқына танымал Қанат және Айткүл Құдайбергеновтердің қызы Салтанат Құдайбергенова жаңа клипке жалаңаштанып түсті.

Қанат Құдайбергенов болса, қызының өнер жолын таңдауын алғашында құп көрмепті. Десе де ерке қызы өз дегеніне көндірген екен.

"Салтанат шаңырағымыздағы кенже. Алдында 3 ағасы бар. Ерке өсті. Өнер жолы ауыр дедім. Болмады", - дейді Қанат Құдайбергенов.

Салтанаттың жаңа бейнебаяны "Кенже" деп аталады. Жас әртіс алдағы уақытта Q-pop жанрын жандандырсам дейді.

"Қазақы отбасыдан шыққаннан кейін қатты сынға ұшырайтынымды білдім. Ата-анама алдын ала ескерттім. Енді мен актрисамын ғой. Басқа әншілерден ерекшеленуім керек", - дейді Құдайбергенова "Hit tv" арнасына берген сұxбатында.

Ал Ерболат Құдайберген өнер жолына қадам басқан қарындасына әрқашан демеу болатынын айтады.