Жаңалықтар 20.03.2019 сағат 14:43

Қарағандылықтар Астананың Нұр-Сұлтан аталуын қолдайды

Жүрегі қазақ деп соққан әрбір азамат, нағыз патриот елбасы Нұрсұлтан Назарбаевтың өнегелі істері мен қазақ халқы үшін еткен еңбегін елеуі тиіс. Назарбаевтың президенттік өкілеттілігін тоқтатуы кім-кімге болсын оңай тимегені анық. Оның есімі тарихта алтын әріптермен қалатыны сөзсіз. Осы орайда елордамыз Астанаға «Нұр-Сұлтан» атауын беруді  Қарағанды облысы Қарқаралы ауданы Қайнарбұлақ ауылының «Аппаз» шаруа  қожалығының ұжымы қолдап, өздерінің елбасымен бірге екендерін жеткізді.

Қарағандылықтар Астананың Нұр-Сұлтан аталуын қолдайды
Бөлісу
Бөлісу
Бөлісу

«Елбасы елімізді   қиын  жылдары тығырықтан алып шығып, дамудың дара жолын көрсетті. Игі бастамалардың басында болып,  мемлекеттік бағдарламаларды жүзеге асырып, тұрақты дамуды қамтамасыз ете білді.  

Еліміз  үшін,  халқымыз  үшін  Елбасының орны қашанда ерекше. Елбасы қашанда ауыл мәселесіне зор көңіл бөлді. Ауылды жаңғыртып, кәсібімізді дамытуға мүмкіндік туғызды. Осы жылдар ішінде келешегін болжай білген Елбасы еліміздің ауылшаруашылық саласын әлемнің ең озық мемлекеттерінің табысымен бәсекелесе алатындай етті. Біз сияқты шаруа адамдарына қаншама жеңілдіктер, қолдаулар жасалуда.  Ауылда білім мен мәдениет ошақтарын дамытып, балабақша, мектептер салып, олардың материалдық базасын заман талабына сай қамтамасыз етті. 

Әрі қарай да біз Елбасының қалыптастырған, салып берген осы дара жолын жалғастырып, аянбай еңбек ете берсек, бәріміз үшін өте маңызды болмақ.

Еліміздің абыройын асқақтатқан Көшбасшымыз бүгінде барлық  құрметке лайық.  Тәуелсіз Қазақстанның қалыптасып дамуына, Астананың әлем картасында  пайда болып, барша ғаламды  мойындатуына Нұрсұлтан Әбішұлының  зор еңбегі сіңді.  Біз  Астана қаласын  Елбасымыздың құрметіне Нұр-Сұлтан  деп атауын бір ауыздан қолдаймыз . Бұл тарихи дұрыс  шешім. Ұрпақтарға үлкен  аманат», - дейді Қарқаралы ауданы, «Аппаз» шаруа қожалығының ұжымы.

Оқи отырыңыз

загрузка...

Соңғы жаңалықтар

Қызықты материалдар