Елімізде 400 мың теңгелік жалақыны қай сала мамандары алатыны белгілі болды

«Салалық құрылымда ең үлкен атаулы жалақы кен өндіру өнеркәсібі және карьерлерді қазуда – 401,1 мың теңге  (орташа республикалық деңгейден 2,4 есеге асты), қаржы және сақтандыру қызметінде - 323,0 мың теңге (1,9 есеге асты), кәсіби, ғылыми және техникалық қызметте – 296,3 мың теңге (1,8 есеге асты), ақпарат және байланыс саласында – 253,0 мың теңге (1,5 есеге асты), көлік және қоймалау саласында – 218,2 мың теңге (1,3 есеге асты) белгіленді. Ең төменгі атаулы жалақы ауыл, орман және балық шаруашылығының қызметкерлерінде белгіленді – 93,2 мың теңге, бұл республика бойынша орта көрсеткіштен 44,7 %-ға төмен»,-делінген хабарламада.

Статистика комитетінің мәліметінше, өңірлік бөліністе ең жоғарғы жалақы Атырау облысында белгіленді – 322,7 мың теңге, бұл орташа республикалық көрсеткіштен шамамен 1,9 есеге асады. Түркістан облысында мұның шамасы 109,0 мың теңгені құрады, бұл ел бойынша орташа деңгейден 35,3%-ға төмен.