Жаңалықтар 05.05.2019 сағат 10:35

Қызылордада жаңа туған сәбиін пакетке орап, көшеге тастап кеткен әйел ұсталды

Қызылорда облысында полиэтилен пакетіне оралып, көшеге тасталған нәрестенің анасы табылды, деп хабарлайды ҚазАқпарат.

Қызылордада жаңа туған сәбиін пакетке орап, көшеге тастап кеткен әйел ұсталды
Бөлісу
Бөлісу
Бөлісу

Облыстық Полиция департаментінің баспасөз қызметінен мәлім еткендей, аталған факті бойынша ҚР Қылмыстық кодексінің 119-бабы 1-бөлігімен (сәбиді қауіпті жағдайда қалдыру) қылмыстық іс қозғалды. Тергеп-тексеру амалдары жүргізілуде.

«Аталмыш оқиғаға байланысты полиция қызметкерлері кешенді жедел-іздестіру шараларын жүргізді. Нәтижесінде күдікті әйел ұсталды. Қазақстан Республикасы Қылмыстық-процестік кодексінің 201-бабының талаптарына сәйкес, сотқа дейінгі тергеп-тексерудің басқа деректері жария етуге жатпайды», - деп мәлім етті Полиция департаментінен.

Еске сала кетейік, Қазалы ауданының орталығы Әйтеке би кентінде пакетке оралған шақалақ табылған болатын. Кіндігі кесілмеген сәби дереу ауруханаға жеткізілді. Аудандық аурухананың бас дәрігер орынбасары Бақытгүл Алишеваның айтуынша, алынған анализдер бойынша нәрестенің денсаулығы қалыпты, салмағы - 2 келі 700 грамм. Оны Қызылорда қаласындағы сәбилер үйіне өткізу мақсатында құжаттар дайындалуда. 

Оқи отырыңыз

загрузка...

Соңғы жаңалықтар

Қызықты материалдар