Атырауда жүкті әйел кесареводан кейін қайтыс болды

Атырау облыстық перинатальды орталықта 24 жастағы жүкті әйел қайтыс болды, деп жазады azh.kz. 

Бас дәрігер Қуаныш Нысанбаев әйелдің қайтыс болғанын растап отыр. 

«Ол бізге 24 мамырда түскен. Ай-күні жеткен, тура 9 ай болған. 25 мамырда кесарево жасадық. Арада 4 сағат өткенде жағдайы нашарлай бастады. Біздің тәжірибелі дәрігерлер оның өмірін аман алып қалу үшін күресті. Алайда тек сәби ғана тірі қалды»,  – дейді Нысанбаев. 

Дәрігер өлім себебін білу үшін сараптама қорытындысын күткен дұрыс дейді.

«Әр ананың өлімі біз үшін трагедия. Әзірге сараптама қорытындысын күтіп отырмыз. Сосын қызметтік тексеріс жүргіземіз», – дейді ол.