Жаңалықтар 11.07.2019 сағат 10:50

Тараз қаласында перзентханадан жаңа туған сәби ұрланды

Сәби ұрлау фактісі бойынша күдікті ретінде Жамбыл облысы, Жамбыл ауданы, Қаракемер ауылының 22 жастағы тұрғыны құрықталды.
Тараз қаласында перзентханадан жаңа туған сәби ұрланды
Бөлісу
Бөлісу
Бөлісу

Полиция қызметкерлері екі сағат ішінде ауыр қылмысты анықтады деп жазады Qamshy.kz ақпарат агенттігі. Бұл туралы Жамбыл облыстық Полиция департаментінің баспасөз қызметі мәлімдеді.

8-шілде күні Тараз қаласындағы Полиция басқармасына облыстық перзентханадан оның жаңа босанған сәбиін ұрлап кеткені туралы шағыммен жас әйел келген.

«Жас сәбиді іздеу операциясын Тараз Полиция басқармасының басшысы, полиция полковнигі Ардақ Мадимаров басқарған. Жедел қимылдаған топ қаладағы барлық видеокамераларды қарап, материалдарды зерттеп, ұрының бағытын анықтаған. Анықталған бағыт бойынша қонақ үйлердің біріне жетіп, номерлердің бірінен сәбиді тапқан», - делінген мәлімдемеде.

Осындау ауыр әрі қиын қылмысты анықтау үшін екі сағат уақыт қажет болыпты.

«Сәби ұрлау фактісі бойынша күдікті ретінде Жамбыл облысы, Жамбыл ауданы, Қаракемер ауылының 22 жастағы тұрғыны құрықталды. ҚР ҚК 135-баптың 2-тармағы бойынша сотқа дейінгі тергеу жұмыстары басталды. Егер күдікті қылмысын мойындаса, оны 10 жылға дейінгі бас бостандығынан айырып, мүлкін тәркілейді», - деді полиция басқармасындағы шенділер.

Оқи отырыңыз

загрузка...

Соңғы жаңалықтар

Қызықты материалдар